Almaniyanın nəhəng avtomobil istehsalçısı "Volkswagen" daha bir sürpriz addım atıb. 

Hit.az xəbər verir ki, şirkət maraqla gözlənilən elektrikli avtomobil layihəsi "Trinity"-ni təxirə salıb.

"Tesla"ya rəqib olacağı deyilən avtomobilin istehsalı ilə bağlı çalışmalar dayandırılıb. "Volkswagen" sözügedən modelin istehsalının 2030-cu ilə qədər təxirə salındığını açıqlayıb. Layihədəki gecikmələrin bu addıma atmağa vadar edildiyi vurğulanıb. 

Xatırladaq ki, "Volkswagen" bir müddət öncə başqa avtomobillərinin də istehsalını qarşıdakı illərə təxirə saldığını açıqlayıb. 

Pərviz