"ABŞ kəşfiyyat orqanları jurnalistlərdən öz agentləri kimi istifadə etməkdə davam edir və bununla da Amerika qanunlarını pozurlar". 

HİT.az xəbər verir ki, bu barədə Rusiya Xarici İşlər Nazirliyinin rəsmi nümayəndəsi Mariya Zaxarova öz "Telegram" kanalında yazıb.

Diplomat qeyd edib ki, "The Wall Street Journal"ın əməkdaşı Evan Gerşkoviçin həbsindən bir il ötür. Müxbir 2023-cü il martın 30-da Yekaterinburqda casusluqda şübhəli bilinərək saxlanılıb.

Üstəlik, həbsinin ildönümündə "The Wall Street Journal"ın növbəti sayının birinci səhifəsində jurnalistin ağ-qara fotoşəkili dərc olunub. Fotoya "bu onun hesabatı ola bilər" başlığı əlavə edilib.

"Yeri gəlmişkən, istisna etmirəm ki, Amerika nəşri ABŞ qanunlarına zidd olaraq jurnalistlərdən öz agentləri kimi istifadə etməkdə davam edən kəşfiyyat xidmətlərinə öz qəzəbini ifadə edib", deyə Zaxarova vurğulayıb.

O əlavə edib ki, əgər azad olsa, amerikalı müxbir Ukrayna Silahlı Qüvvələrinin "Rusiya şəhərlərinə terror hücumları haqqında" yaza bilər. Eyni zamanda, Rusiya Xarici İşlər Nazirliyinin nümayəndəsi qeyd edib ki, jurnalistlər tez-tez hücuma məruz qalırlar. Bu, ABŞ-dan olan nəşrlərin işçilərinə də aiddir.

Samir