Avstriya kansleri Karl Nehammer deyib ki, Qərb BRICS ölkələrini Ukrayna ilə bağlı danışıqlara cəlb etməlidir, çünki assosiasiyaya daxil olan dövlətlər beynəlxalq arenada əsas oyunçulardır.

HİT.az bu barədə TASS-a istinadən xəbər verir.

2Avropa İttifaqı, ABŞ və transatlantik tərəfdaşlarımız sadəcə olaraq BRICS ölkələrini bizim nöqteyi-nəzərimizə inandıra bilmədilər. Mən əvvəlki kimi inanıram ki, bu zəiflikdir. BRICS ölkələri beynəlxalq səhnədə əsas oyunçulardır", deyə Nehammer bildirib.

O, BRICS-in üzvü olan Hindistan və Çinin Moskvaya "böyük təsiri" olduğunu vurğulayıb. Bununla bağlı o, Qərbi "əks-səda kamerası"ndan çıxmağa çağırıb.

Avstriya kansleri vurğulayıb ki, Qərb Ukrayna üçün hansı gələcək istədiyini anlayır. Lakin qeyd edib ki, yalnız istək kifayət deyil, prosesi başlamaq, sülh haqqında düşünməyə və danışmağa başlamaq üçün bizə daha çox müttəfiq lazımdır.

Aprelin 8-də məlum olub ki, İsveçrə iyunun ortalarında Ukrayna ilə bağlı sülh sammiti keçirməyi planlaşdırır. Qeyd olunur ki, tədbirdə qlobal Cənubi adlanan 80-dən 100-ə qədər dövlət iştirak edəcək. Konfrans 16-17 iyun tarixlərində baş tuta bilər.

Samir