Bakı Dövlət Universiteti (BDU) internet xidmətinin satın alınmasına görə “Delta Telecom LTD” MMC -yə (VÖEN – 1700164781) 63 min 720 manat ödəyəcək.
BDU tenderi bir mənbədən satınalma metodu ilə keçirib.
Məlumat üçün bildirək ki, “Delta Telecom LTD” MMC BDU-ya internet xidmətini yanvar ayının 15-dən dekabr ayının 31-nə kimi təqdim edəcək.
Qeyd edək ki, internet üçün il ərzində 64 min manat vəsait xərcləyən BDU-nun rəsmi veb-saytında bir-çox bölmələr uzun müddətdir fəaliyyət göstərmir. Belə ki, BDU-nun rəsmi saytında mövcud olan “Fakultələr” bölməsinə daxil olmaq mümkün deyil.
Məsələ ilə bağlı BDU-nun mətbuat xidmətindən Yeniavaz.com-a bildirilib ki, saytda yenilənmə işləri həyata keçirildiyi üçün bəzi bölmələr fəaliyyət göstərmir.