İnsult keçirən Xalq artisti Fatma Mahmudova müalicə aldığı xəstəxanadan evə buraxılıb.
Bu barədə Oxu.Az-a aktrisanın qızı Nigar Tofiqqızı məlumat verib.
O bildirib ki, anasının müalicəsi davam etdirilir.
"Dünən xəstəxanadan çıxmışıq. Çox şükür, anam indi özünü daha yaxşı hiss edir", - deyə o bildirib.
Xatırladaq ki, Xalq artisti Fatma Mahmudova yanvarın 29-da insult keçirərək özəl xəstəxanalardan birinə yerləşdirilmişdi.
