ABŞ Yaxın Şərqdə daha böyük müharibə istəmir və İranla münaqişəyə can atmır.
HİT.az xəbər verir ki, bu barədə Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi ABC televiziyasında bildirib.
"Biz regionda daha böyük müharibə və İranla münaqişəyə can atmırıq", deyə Ağ Ev rəsmisi bildirib.
Aprelin 13-də axşam İran aprelin 1-də Suriyadakı konsulluğunun binasının dağıdılmasına cavab olaraq İsrailə doğru onlarla pilotsuz təyyarə və raketlər atıb. Hücum təxminən beş saat davam edib. İsrail atılan raketlərin və pilotsuz təyyarələrin 99%-ni vurduğunu bildirib. Eyni zamanda, İran tərəfi yəhudi dövləti ərazisində bir sıra hərbi obyektlərin məğlubiyyətə uğradığını bildirib.
Aprelin 14-nə keçən gecə İranın İsrailə qarşı kütləvi raket hücumundan sonra İsrailin baş naziri Benyamin Netanyahu Tehrana qarşı cavab tədbirləri ilə bağlı hərbi kabinetini toplantıya çağırıb. İsrail rəsmiləri bazar günü Netanyahu, müdafiə naziri Yoav Gallant və nazir Benni Qantsın həlledici səsə sahib olduğu beş nəfərlik hərbi kabinetdə toplaşıblar. Ümumilikdə, kabinet İrana qarşı cavab zərbəsinin tərəfdarıdır, lakin iştirak edənlər belə bir cavabın miqyası və vaxtı ilə bağlı fikir ayrılığına düşüblər. Bu barədə "Reuters" xəbər verib.
Samir
