Amerikalı konqresmen, Nümayəndələr Palatasının üzvü Markori Teylor Qrin Ağ Evin daxili və xarici siyasətinə qarşı çıxış edib. 

HİT.az bu barədə "RİA Novosti"yə istinadən xəbər verir.

Qrinin sözlərinə görə, insanlar Vaşinqtondan çıxan tamamilə cəfəngiyyatdan beziblər. İqtisadi vəziyyətdən danışan konqresmen deyib ki, biznesin çətinliklərlə üzləşdiyi, əhalinin getdikcə daha çox vergi ödədiyi və hakimiyyət buna baxmayaraq, Ukraynaya dəstək üçün vəsait göndərməkdə davam edən şəraitdə Amerika iqtisadiyyatının necə ayaqda qaldığını başa düşmür. Qrin ABŞ-ın dövlət borcunun artıq 34 trilyon dolları keçdiyini də xatırladıb.

Aprelin 29-da konqresmen Qrin respublika Silahlı Qüvvələrinin süqutundan sonra ABŞ qoşunlarının Ukraynaya yerləşdiriləcəyini proqnozlaşdırmışdı. Onun fikrincə, Amerika hakimiyyətinin planı Rusiya ilə proksi müharibəni maliyyələşdirməyə davam etməkdir və bu, Ukrayna Silahlı Qüvvələrinin dağılması səbəbindən nəticə verməsə, ABŞ öz ordusunu Ukraynaya göndərəcək.

Aprelin 20-də Qrin bildirib ki, ABŞ-ın Kiyevə yardımı ukraynalıların bütöv bir nəslini məhv edəcək. Bundan əlavə, o, amerikalıların 70%-nin Kiyevə təxminən 61 milyard dollar dəyərində yeni maliyyə yardımı paketinin verilməsinin tərəfdarı olmadığını bildirib.

Samir