Polşanın xarici işlər naziri Radoslav Sikorski Kiyevdə keçirilən Yalta Avropa Strategiyası (YES) konfransında iştirak edib. 

HİT.az xəbər verir ki, orada çıxış edən nazir əvvəllər yarımadanın BMT mandatı altına keçdiyi Krımda 20 ildən sonra yeni referendumun keçirilməsini təklif edib.

Sikorski deyib ki, Krım Rusiya və xüsusilə onun prezidenti Vladimir Putin üçün simvolik əhəmiyyətə malikdir. O, yarımadanın Ukrayna üçün strateji əhəmiyyət daşıdığını bildirib. 

"Mən başa düşmürəm ki, Krımın demilitarizasiyası olmadan onlar necə razılığa gələ bilərlər. Biz bunu BMT mandatı altında qanuni sakinlərin kimlər olduğunu və sair yoxlandıqdan sonra ədalətli referendum hazırlamaq missiyası ilə təhvil verə bilərik", deyə Polşa Xarici İşlər Nazirliyinin rəhbəri bildirib.

YES 2004-cü ildə ukraynalı iş adamı Viktor Pinçuk tərəfindən təsis edilən təşkilat çərçivəsində Yalta şəhərində Ukrayna və xarici siyasətçilərin və sahibkarların illik beynəlxalq konfransıdır. Krım Rusiyanın tərkibinə daxil olduqdan sonra konfrans Kiyevdə baş tutub.

Samir