Aromatik otlar təkcə kulinariyada deyil, həm də müalicə məqsədilə, xüsusilə immunitetin gücləndirilməsi üçün istifadə olunur. 

HİT.az xəbər verir ki, bu barədə “Verywellhealth” saytı məlumat yayıb.

Ekinezya – astra fəsiləsinə aid çöl bitkisidir. O, tez-tez soyuqdəymə və qripə qarşı təbii vasitə kimi satılır. Ekinezya antiviral xüsusiyyətlərə malikdir və yuxarı tənəffüs yolları infeksiyalarına səbəb olan viruslara qarşı immun sisteminin reaksiyasını gücləndirə bilər. Bəzi tədqiqatlar onun tənəffüs infeksiyalarının tezliyini azaltmağa və simptomları yüngülləşdirməyə kömək etdiyini göstərir.

Mürəkkəb meyvəsi (buzina) immun sistemini gücləndirə bilər və soyuqdəymə mövsümündə orqanizmi dəstəkləyir. Onun qəbulu öskürək və burun tutulması kimi simptomları azalda bilər, həmçinin xəstəliyin müddətini qısalda bilər, lakin əlavə araşdırmalara ehtiyac var.

Sarımsaq tərkibindəki allisin maddəsi sayəsində güclü immun dəstəkləyici təsir göstərir. Araşdırmalar göstərir ki, allisin leykositləri aktivləşdirir və bu da orqanizmin infeksiyalarla mübarizəsini gücləndirir.

Zəncəfil həzm sistemi üçün faydalıdır və ürəkbulanma, mədə narahatlığı kimi problemləri yüngülləşdirə bilər. Eyni zamanda güclü iltihabəleyhinə təsirə malikdir. Tərkibindəki gingerol maddəsi yuxarı tənəffüs yolları xəstəliklərinin müddətini azalda bilər.

Oreqano iltihabəleyhinə, antibakterial və antifungal xüsusiyyətlərə malikdir. O, Candida kimi göbələk infeksiyalarına qarşı orqanizmin müdafiəsini gücləndirə bilər. Tədqiqatlar oreqano yağının mikrofloranın tarazlığını qorumağa kömək etdiyini göstərir.

Samir