Çexiya prezidenti Peter Pavel almaniyalı həmkarı Frank-Valter Ştaynmayerlə danışıqlar aparacaq, bu görüşdə tərəflər enerji sektorunda əməkdaşlığın perspektivlərini və Ukraynadakı mövcud vəziyyəti müzakirə edəcəklər. 

HİT.az xəbər verir ki, bu barədə CTK agentliyi yazıb.

Materialda qeyd olunur ki, aprelin 29-da Almaniya prezidenti ikigünlük səfər çərçivəsində Çexiyanın paytaxtına gələcək. Eyni zamanda, dövlət başçısının çexiyalı həmkarı ilə söhbəti də nəzərdə tutulub, söhbətin əsas mövzuları Praqa ilə Berlin arasında ticarət-iqtisadi əlaqələr və hərbi sənaye sahəsində əlaqələrin gücləndirilməsi olacaq. Bundan əlavə, siyasətçilər Yaxın Şərqdəki vəziyyət və Avropa Parlamentinə (AP) qarşıdan gələn seçkilərlə bağlı fikir mübadiləsi aparacaqlar.

Jurnalistlərin məlumatına görə, ertəsi gün Ştaynmayer və Pavel “Çexiyanın Avropa İttifaqına üzvlüyünün 20 ili: genişlənmiş Avropaya baxış” adlı beynəlxalq konfransda iştirak edəcəklər. Onlar Çexiyanın Baş nazirinin və respublika parlamentinin rəhbərinin çıxışlarının da olacağı tədbirdə əsas məruzəçilər olacaqlar.

Bundan başqa, alman siyasətçi Çexiyadakı yəhudi icmasının nümayəndələri, yerli mədəniyyət və incəsənət xadimləri ilə görüşmək niyyətindədir.

Samir