İngiltərənin "Liverpul" klubunun baş məşqçisi Yurgen Klopp VAR-ın ləğvinə səs verəcəyini bildirib.

HİT.az bu barədə BBC-yə istinadən xəbər verir.

“İndi göründüyü kimi, mən VAR əleyhinə səs verərdim. Bu insanlar ondan düzgün istifadə edə bilmirlər. Mən VAR-ın problem olduğunu düşünmürəm, problem ondan necə istifadə etməyimizdədir", deyə Klopp bildirib.

Mayın 11-də çempionatın 36-cı turunun matçında "Mançester Siti" "Fulhem"i 4:0 hesabı ilə məğlub edib. Bu matçdan sonra "Liverpul" Premyer Liqanın qalibi olmaq şanslarını itirib.

Maraqlıdır ki, bu, baş məşqçi Yurgen Klopp üçün klubda son mövsümdür. O, 2015-ci ilin payızından İngiltərənin “Liverpul”unda çalışır. Onun rəhbərliyi altında “qırmızılar” İngiltərə Premyer Liqası (APL), Çempionlar Liqası, Klublararası Dünya Kuboku, Liqa Kuboku, İngiltərə Kuboku və UEFA Super Kubokunun qalibi olub.

“Çox uzun müddətdir ki, normal həyat sürmürəm. Normal həyat sürmək üçün çox qocaldığımı gözləmək istəmirəm. Bunun nə olduğunu və darıxmayacağımı başa düşmək üçün heç olmasa cəhd etməliyəm", deyə Klopp qərarını izah edib.

Samir