Sent Jude Uşaq Araşdırma Xəstəxanasının (ABŞ) alimləri T hüceyrələrində Asxl1 genini pozaraq xərçəngin immunoterapiyasının effektivliyini artırıblar. 

HİT.az xəbər verir ki, araşdırmanın nəticələri "Science" jurnalında dərc olunub.

Tədqiqatçılar izah edib ki, immunitet sistemi hüceyrələri qüsurlu elementlərə və ya patogenlərə cavab vermək üçün sözdə "nəzarət nöqtələri" (xüsusi siqnallar) istifadə edir. Xərçəng hüceyrələri də immunitet sistemini bağlamaq və sağ qalmaq üçün bu nəzarət nöqtələrindən istifadə edə bilər. Nəzarət nöqtəsi inhibitorları kimi tanınan dərmanlar, immunitet sisteminə xərçəng hüceyrələrini tapmağa və məhv etməyə kömək edərək, şişlərin bastırıcı təsirlərini dayandıra bilər. Ancaq bəzi hallarda bu cür xərçəng əleyhinə dərmanlar təsir göstərmir.

İmmunoterapiyaya müqavimətin nəyə səbəb olduğunu öyrənmək üçün alimlər nəzarət nöqtəsi inhibitorları ilə uğurla müalicə olunan xəstələrdən alınan toxuma nümunələrini təhlil ediblər. Məlum olub ki, immun T-hüceyrələrində Asxl1-də olan mutasiya onları tükəndirir və xərçəng şişlərinin məhv olmaqdan qaçmasına imkan verir.

Əlavə təcrübələr Asxl1-in bloklanmasının T hüceyrələrini gücləndirdiyini və uzunmüddətli immun cavabı təmin etdiyini göstərib. Alimlərin fikrincə, immunoterapiya zamanı Asxl1-in hədəflənməsi uzun müddət davam edən antitümör təsiri olan T hüceyrələrinin yaradılmasına imkan verir. Bu müalicə üsulu güclü terapevtik potensiala malikdir.

Samir