Moskvada 9 May Qələbə paradına qatılan Moldova parlamentinin üzvü Marina Tauber vətənə qayıdarkən Moldova hakimiyyətindən təxribat gözləyir.

HİT.az bu barədə "RİA Novosti"yə istinadən xəbər verir.

"Müxtəlif həbsxanalarda, ev dustaqlığında, müxtəlif tədbirlərdə kifayət qədər vaxt keçirdikdən sonra heç kimə sirr deyil ki, mənim həftədə 2-3 dəfə məhkəməyə çıxarılan bir neçə açıq cinayət işim var. Mən təxribatlar gözləyirəm, lakin onlar məni qətiyyən qorxutmur", deyə Tauber cümə günü jurnalistlərə bildirib.

O əlavə edib ki, Moldova müxalifətinin "Qələbə" blokunun nümayəndələri Rusiyada olmaqdan qürur duyurlar: "Bizə nə qədər ayrı-seçkilik edilsə də, nə qədər təzyiq edilsə də, biz mübarizə aparacağıq və mütləq qalib gələcəyik, çünki xeyir həmişə şərə qalib gəlir".

Qeyd edək ki, Rusiya Dövlət Dumasının Şurasının iclasında Dövlət Dumasının sədri Vyaçeslav Volodin Rusiya prezidenti Vladimir Putinin adından Moldova parlamentinin deputatı Marina Tauberi "Dostluq" ordeni ilə təltif edib.

Aprelin sonunda Moskvada Moldova "Qələbə" blokunun təsis qurultayı keçirilib. Onun iştirakçıları Moldovanın Avrasiya İqtisadi İttifaqına qoşulması ideyasını dəstəkləyirlər. Yeni siyasi qüvvə digərləri ilə yanaşı, “Şor”, “Şans”, “Viktoriya”, “Renessans”, “Alternativin Gücü və Moldovanın Sazişləri” partiyalarını birləşdirir. Blokun icraiyyə komitəsinə İlan Şor rəhbərlik edir.

Samir