Santa Barbara, Kaliforniya Universitetinin alimləri müəyyən ediblər ki, 30 dəqiqədən az davam edən məşq idrak qabiliyyətlərini stimullaşdıra bilər. 

HİT.az xəbər verir ki, tədqiqatın nəticələri Milli Tibb Kitabxanasında (NLM) dərc edilib.

Alimlər 18-45 yaş arası dörd min iştirakçının məlumatları daxil olmaqla 113 elmi məqaləni təhlil etdikdən sonra bu qənaətə gəliblər. "İerarxik Bayes" modelindən istifadə edilən bir araşdırma göstərib ki, hətta qısa məşq seansları (30 dəqiqədən az) idrak performansını əhəmiyyətli dərəcədə yaxşılaşdıra bilər. Həmçinin məlum olub ki, güclü idman yaddaş və diqqəti stimullaşdırmaqda ən təsirli olub.

Alimlər vurğulayıblar ki, koqnitiv faydalarla yanaşı, müntəzəm idman insult da daxil olmaqla 260-dan çox xəstəliyin riskini azaldır. Həm müntəzəm həftə içi məşqlər, həm də həftə sonu məşqləri bu faydalı təsirə malikdir. Bu məlumatlar Britaniya Biobankının 90 min iştirakçını əhatə edən məlumatlarının təhlili nəticəsində əldə edilib.

Samir